Ertu með barn á brjósti?

Opið hús – Vorönn 2011

Fræðsla og stuðningur við brjóstagjöf

Efni fundanna:

26. janúar                  Undirbúningur fyrir brjóstagjöf ætluð  verðandi mæðrum/ foreldra

  9. febrúar                 Brjóstagjöf fyrstu mánuðina

23.febrúar                 Fyrsta fasta fæðan

  9. mars                    Næturgjafir, útivinna og að hætta með barn á brjósti

23. mars                    Börn á brjósti eftir eins árs aldur

  6. apríl                      Undirbúningur fyrir brjóstagjöf ætluð  verðandi mæðrum/ foreldra

22. apríl                      Brjóstagjöf fyrstu mánuðina

  4. maí                       Fyrsta fasta fæðan

18. maí                      Næturgjafir, útivinna og að hætta með barn á brjósti

Allir velkomnir – einnig verðandi mæður, feður og ömmur

Gjald fyrir hvern fund er 500 kr – greiðist á staðnum.

Arnheiður Sigurðardóttir, lýðheilsu-og hj.fræðingur. framhaldsk.kennari og IBCLC brjóstagj.ráðgjafi

Hulda Sigurlína Þórðardóttir, hj.fræðingur, IBCLC brjóstagj.ráðgjafi og ljósmóðurnemi við Háskóla Íslands

Allir fundirnir eru verkefni Arnheiðar og Huldu í námi við Háskóla Íslands.

Opið hús  í Mömmukaffi

1.  Undirbúningur fyrir brjóstagjöf ætluð  verðandi mæðrum/ foreldra

Á þessum fundi er farið í grunnatriðin varðandi samsetningu brjóstamjólkur, verndandi þátt hennar, tengslamyndun, samskipti við brjóstabarnið t.d. fyrstu merki um hungur. Einnig er farið í mikilvægi þess að taki brjóstið rétt, ýmis hagnýt atriði og fleira í þeim dúr.  Þessi fundur er fyrir þungaðar konur sem vilja fræðast um brjóstagjöfina en við viljum benda mæðrum á að koma með börn sín séu þau fædd, þarfnist þær stuðnings og fræðslu við brjóstagjöf.

2. Brjóstagjöf fyrstu mánuðina

Þessi fundur er byggir svolítið á umræðuefni fundarins á undan og farið dýpra í brjóstagjöf barna fyrstu 6 mánuðina. Ef einhver vandamál eða spurningar vakna eins og hvernig auka megi mjólkina, sé hún ekki nóg, þá er rætt um það. Hvernig draga megi úr framleiðslu, sé hún of mikil. Hvað það þýðir að vera með barn eingöngu á brjósti. Líðan móður o.fl.

3. Fyrsta fasta fæðan

Á þessum fundi er rætt um hvers brjóstabörn þarfnast helst þegar þau byrja að borða með, oftast uppúr 6 mánaði aldri. Hvaða fæða er heppilegust og hver eru fyrstu merki um að barn þurfi á einnig á  annarri fæðu að halda.  Rætt um hlutverk brjóstamjólkurinnar síðari hluta fyrsta ársins.

4. Næturgjafir, útivinna og endir brjóstagjafar

Málefni sem brenna á mörgum mæðrum er umræðuefni þessa fundar.  Rætt um næturgjafir, hvað þær þýða og mikilvægi þeirra oft á tíðum og hvernig er hægt er að tryggja móður næga hvíld. Við tölum einnig um vinnu utan heimilis og hvernig má samþætta brjóstagjöf og útivinnu og loks er farið yfir leiðir til að enda brjóstagjöf.

5. Börn á brjósti eftir eins árs aldur

Eins og margir vita eru leiðbeiningarAlþjóða heilbrigðismálastofnunarinnar (WHO) þannig, að æskilegt sé að börn fá eingöngu brjóstamjólk fyrstu 6 mánuði ævinnar, að brjóstamjólk sé aðalfæða barna allt fyrsta árið og með annarri fæðu til tveggja ára eða eins lengi og móðir og barn kjósa. 

Á þessum fundi förum við einkum yfir brjóstagjöf eftir eins árs aldurinn, næringu og tilfinngalegt mikilvægi.  Hvað þarf að hafa í huga þegar barn er á brjósti á þessum aldri, þýðingu fyrir móður og barn og mikilvægi stuðnings.

Hugmyndin er sú að best er fyrir móður að koma á alla 5  fundina þó reynslan sýni að þrátt fyrir skipulagða fræðslu þá er enginn fundur eins og margar mæður koma aftur og aftur á sömu fundina og er fengur að þeim.  Þær miðla þannig af reynslu sinni til hverrar annarrar og geta einnig óskað eftir að fjallað verði um ákveðin málefni óháð efni fundarins.   Sérstaklega er gott að fá mæður með nýfædd börn á fundi með verðandi mæðrum. Oft koma mæður með ákveðnar spurningar í huga.  Þó fundirnir séu sniðnir að mæðrum og börnum þeirra þá eru feður, ömmur og afar ávallt velkomnir sem og þeir sem vilja fræðast um brjóstagjöf.  Viljum taka það fram af gefnu tilefni að börnin koma að sjálfsögðu með á þessa fundi.

Leiðbeinendur hafa báðar lokið þjálfun frá alþjóðlegu brjóstagjafafélagi, La Leche League International (www.llli.org)  í stjórnun umræðuhópa.

Gjald fyrir hvern fund er 500 kr og greiðist á staðnum.

Uppfært febrúar, 2011 af Arnheiði Sigurðardóttur.